የደብረ ምጥማቅ ቅድስት ማርያም የኢትዮጵያ ኦርቶዶክስ ተዋህዶ ቤተክርስትያን በፊኒክስ አሪዞና የ20 ዓመታት ጉዞ

ጊዜው የአሪዞና ዓየር ወደ ነበልባልነት የሚቀየርበት፣ ከሚከንፍ መኪና በቀር እግረኛ ለዓይን የማይታይበት፣ ዓየሯ ምግብ ከሆነባት እናት ኢትዮጵያ ለመጣ ደግሞ ሃገሩን ከገሃነመ እሳት የሚቆጥሩበት ሞቃት ግዜ ነበር::

ቅዳሴ፣ የቤተ ክርስቲያን እጣን ጭስና ዝማሬ የናፈቀው የሃገሬ ህዝበ ክርስቲያን መድረሻ አጥቷል:: ሐበሻ እዚህ ቦታ አለ ᎐᎐᎐ አዲስ ሰው መጣ ᎐᎐᎐ ሲባል የሚሮጥበት ᎐᎐᎐ ዘመድ ወገን፣ የሃገር የወንዝ ልጅ የሚናፈቅበት ዘመን ነበር::

የኢትዮጵያ ኦርቶዶክስ ተዋህዶ እምነት ተከታዮች ባልና ሚስት፣ ጓደኛ ውይይታቸው ሁሉ ቤተ እግዚያብሄርን ስለ ማግኘት ነበር:: እርስ በእርስ የሚተዋወቅ ᎐᎐᎐ጓደኛ ከዘመድ ተቆጣጥረው ተጠራርተዋል:: ቁጥራቸው ከዕለት ዕለት እየጨመረ ነው::

ያ ዘመን ሁለት ሆነው በካሴት ቅዳሴ ሥርዓት የተከወነበት፤ ከተከራዩበት አዳራሽ በ ”ሰዓት አልፏል” የሚባረሩበት፣ ገንዘብ ለመሰብሰብ በረዶና አይስ ክሪም ለመሸጥ ሲንከራተቱ ለገበያ ሳይበቃ በአሪዞና ቃጠሎ በረዶው ቀልጦ እናቶችን ለኪሳራ ያበቃበት ዘመን ነው::  Read More …